राजबिराज । नेकपा माओवादी केन्द्रका स्थायी कमिटी सदस्य मातृका यादवले एमालेबाट सरकारको नेतृत्व परिवर्तन भएमा एमाले सरकारलाई पार्टीले गरेको समर्थन जारी रहने बताएका छन् । प्रेस संगठन नेपालको सप्तरी शाखाले शनिबार राजविराजमा आयोजना गरेको पत्रकार सम्मेलनमा नेता यादवले एमालदे अध्यक्ष केपी ओली नेतृत्वको सरकारलाई भने माओवादी केन्द्रको समर्थन नरहने स्पष्ट पारे ।
यादवले आफ्नो पार्टी जनता समाजवादी पार्टी (जसपा) लाई सरकारको नेतृत्व दिन तयार रहेको बताउँदै कांग्रेस तयार भए माओवादी केन्द्रलाई जसपालाई सरकारको नेतृत्व दिन आपत्ती नहुने बताए ।
पार्टी एकतापछि माओवादी केन्द्रका नेताहरु उदार चएको भन्दै यादवले माओवादी नेताहरुले कमजोरी स्विकार गर्नु पर्ने बताए । उनले त्यही कमजोरीको फाइदा उठाउँदै केपी ओलीले सहमतिको उलंघन गरेको आरोप लगाए । सहमतिको पालना नगर्ने ओलीसँग अब कुनै प्रकारको सहकार्य हुँदैन नेता यादवले भने ।
प्रतिक्रिया