काठमाडौं । नेकपा माओवादी केन्द्रले पार्टीको नाम फेर्ने भएको छ । केन्द्रीय कार्यालय पेरिसडाँडामा जारी केन्द्रीय समितिको बैठकमा अध्यक्ष पुष्पकमल दाहाल प्रचण्डले पार्टीको नाम फर्ने प्रस्ताव राखेका हुन् ।
प्रचण्डले यसअघि बसेको स्थायी समिति बैठकमा सहमति भए बमोजिम पार्टीको नाम नेपाली कम्युनिष्ट पार्टी राख्न प्रस्ताव गरेको बैठकमा सहभागी एक नेताले जानकारी दिएका छन् ।
२०७५ जेठ ३ गते नेकपा एमालेसँग एकीकरण भएर नेपाल कम्युनिष्ट पार्टी (नेकपा) बनेकोमा सर्वोच्च अदालतले गत फागुन २२ गते नेकपालाई खारेज गरेको थियो । त्यसपछि पूर्ववत अवस्थामा माओवादी केन्द्रमा फर्किन बाध्य हुँदा पार्टी एकताको भाव मेटिने र अन्य पार्टीबाट एकीकरणमा आउन चाहनेलाई पनि नामले अप्ठेरो पार्ने भएपछि नाम फेर्ने प्रस्ताव आएको थियो ।
स्थायी समिति बैठकले नाम फर्ने विषयमा सहमति गरेको थियो । यद्यपी, नेपाली कम्युनिष्ट पार्टीलाई पनि निर्वाचन आयोगले मान्यता दिन के गर्छ भन्नेबारे कुनै टुंगो लागेको छैन । निर्वाचन आयोगमा नजुध्ने गरी नाम फेर्न केन्द्रीय समितिले बैठकले निर्णय गर्ने बुझिएको छ ।
प्रतिक्रिया