काठमाडौं । नेकपा एमाले नेपाल-खनाल पक्षको राष्ट्रिय कार्यकर्ता भेला आज सम्पन्न हुँदैछ ।
बुधबारदेखि ललितपुरको सानेपास्थित हेरिटेज गार्डेन बैंक्वेटमा सुरु भएको भेला विभिन्न महत्वपूर्ण निर्णय गर्दै सकिने नेताहरुले बताएका छन् ।
बुधबार उद्घाटन सत्रमा नेताहरुले अध्यक्ष केपी शर्मा ओलीले नेकपा एमालेलाई विभाजन र बिसर्जन गर्न लागेको आरोप लगाउँदै त्यसो हुन नदिने बताएका थिए ।
पुराना कम्युनिस्ट नेताहरुको समेत उपस्थिति रहेको भेलाको पहिलो दिन नेताहरुले एमालेको इतिहास, संगठन र विचार समृद्ध रहेका दाबीसमेत गरे । नेपाल-खनाल पक्षको भेलालाई ओली पक्षले समेत गम्भीरताका साथ हेरिरहेको बताएको छ ।
प्रधानमन्त्री एवम अध्यक्ष ओलीले पार्टीको विधान संशोधन गरी आफूइतरका नेताको जिम्मेवारी खोसेपछि नेपाल-खनाल पक्षले राष्ट्रिय भेला बोलाएको हो ।
भेलामा सहभागी देशभरका नेता, कार्यकर्ताको सुझाव र भावनाअनुसार तीन महिने कार्यभार तय गर्दै बिभिन्न महत्वपूर्ण निर्णयहरु गरीने नेताहरुले बताएका छन ।
प्रतिक्रिया