काठमाडौं । कलंकीमा टिपरको ठक्करबाट एक युवकको मृत्यु भएको छ ।
शनिबार राति बल्खुबाट थानकोटतर्फ जाँदै गरेको बा १ ख ५८९३ नम्बरको टिपरले ठक्कर दिँदा अन्दाजी २५ वर्षिय पुरुषको मृत्यु भएको महानगरीय प्रहरी परिसरले जनाएको छ । युवकको सनाखत भैसकेको छैन ।
प्रहरीका अनुसार कलंकी चोकको जेब्राक्रसबाट बाटो काट्दै गरेका ती युवा टिपरको ठक्करबाट गम्भीर घाइते भएका थिए । उपचारको क्रममा राति नै त्रिवि शिक्षण अस्पताल महाराजगञ्जमा मृत्यु भएको हो।
प्रहरीले टिपर र चालकलाई नियन्त्रणमा लिएर थप अनुसन्धान गरिरहेको जनाएको छ ।
प्रतिक्रिया