बझाङ । बझाङमा १४ वर्षीया बालिकालाई जबरजस्ती करणी गर्न खोजेको आरोपमा सोमवार एक शिक्षक परेका छन् ।
जिल्लाको जयपृथ्वी नगरपालिका वडा नँ ६ नौरामा रहेको भबानी माद्यामिक विद्यालयमा कार्यरत शिक्षक जगत सिहले जबरजस्ती करणी गर्न खोजेको भन्दै पिडित बालीकाका दिएको वयानको आधारमा सोमवार पक्राउ गरेको जिल्ला प्रहरी कार्यालय बझाङले जनाएको छ ।
जिल्ला प्रहरी कार्यालय बझाङका प्रहरी प्रमुख डिएसपी रुपक खड्काका अनुसार चैत्र १४ गते साँझ पानी भर्न पधेरामा गएकोे वेला जबरजस्ती करणी गर्न खोजेको भन्दै पीडित बालिका सहित बालिकाका आफन्तले दिएको उजुरीको आधारमा पक्राउ गरीको बताए ।
जबरजस्ती करणी गर्न खोज्ने शिक्षकलाई हिरासतमा राखेर थप अनुसन्धान भइरहेको र उनलाई कारवाही गरीने बताए ।
प्रतिक्रिया