काठमाडौं । नेकपा एमाले नेपाल पक्षले आज छुट्टै संगठन सदृढीकरण तथा कार्यकर्ता प्रशिक्षण अभियान घोषणा गर्दैछ ।
अभियानको तयारी तथा कार्ययोजना बनाउन नेपाल पक्षको स्थायी समितिको बैठक आज पनि बस्दैछ । दिउँसो तीन बजे बस्ने बैठकले देशव्यापी रुपमा संगठन सदृढीकरण तथा कार्यकर्ता प्रशिक्षण अभियान घोषणाको औपचारिक निर्णय गर्ने बताईएको छ ।
नेपाल पक्षले चैत्र ४ र ५ गते ललितपुरमा आयोजना गरेको राष्ट्रिय कार्यकर्ता भेलामा आएको सुझावहरुलाई समेटेर बैठकले कार्यक्रम तय गर्ने नेपाल पक्षका नेता योगेश भट्टराईले जानकारी दिएका छन् ।
नेपालपक्षले राष्ट्रियभेला यता देशब्यापी समानान्तर गतिविधि संचालन गर्दै आएको छ ।
पार्टी अध्यक्ष केपी शर्मा ओलीले भने गुटगत गतिविधि गरेको भन्दै वरिष्ठ नेता माधव नेपाल, उपाध्यक्ष भीम रावल, उपमासचिव घनश्याम भुसाल र स्थायी समिति सदस्य सुरेन्द्र पाण्डेलाई ६ महिनाका लागि निलम्बन गरेका छन् ।
प्रतिक्रिया