कपिलवस्तु । सडक दुर्घटनामा परि हिजो मृत्यु भएका कपिलवस्तुका पत्रकार नन्दराम पौडेलको आज अन्त्येष्टि गरिएको छ । पत्रकार पौडेलको अन्त्येष्टि अघि पत्रकार महासंघको झण्डा ओढाईएको थियो ।
महासंघका प्रदेश अध्यक्ष वसन्त गिरि, जिल्ला अध्यक्ष किरणमान बज्राचार्य बुटवलका पत्रकार डिआअर घिमिरे लगायतले पौडेलको शवमा महासंघको झन्डा ओढाएका थिए।
अन्त्यस्ती पूर्व लक्ष्मणघाटमा गरिएको श्रद्धान्जली सभामा महासंघका जिल्ला सचिब जानू पान्डेले पत्राचार नन्दराम पौडेलको योगदान र जीवनिको बारे जानकारी गराएका थिए ।
कपिलवस्तु जिल्लाको बाणगङ्गा नगरपालिका वार्ड नम्बर ८ स्थित चप्पर गाउमा हिजो साझ ७।३० बजे पछाडिबाट आउदै गरेको ट्रकले मोटर साइकललाई ठक्कर दिदा मोटरसाइकलमा सवार पौडेलको निधन भएको थियो ।
बामपंथी झुकाब भएका पौडेल नेकपाका जिल्ला कमिटी सदस्य समेत रहेका थिए ।
पौडेलका एक श्रीमती एक छोरी र दुई छोराहरु रहेका छन ।
प्रतिक्रिया