पोखरा । आफु विरुद्ध अविश्वासको प्रस्ताव आउने भएपछि गण्डकी प्रदेशका मुख्यमन्त्री पृथ्वी सुब्बा गुरुङले प्रदेशसभा अधिवेशन अन्त्य गरेका छन् ।
प्रदेश सरकारको सिफारिसमा प्रदेशप्रमुख अमिक शेरेचनले प्रदेशसभाको चालु अधिवेशन अन्त्य गरेका छन् ।
प्रदेशसभामा एमाले बाहेकका सबै विपक्षी दल मिलेर मुख्यमन्त्री विरुद्ध अविश्वासको प्रस्ताव दर्ता गर्न लागेका थिए । नेपाली कांग्रेस, नेकपा माओवादी केन्द्रबी मुख्यमन्त्रीमा कांग्रेसका कृष्णचन्द्र नेपाली पोखरेललाई प्रस्ताव गरेर अविश्वासको प्रस्ताव दर्ता गर्ने तयारी हुँदै थियो ।
प्रदेशसभा अधिवेशन अन्त्य भएपछि अब कि त वर्षे अधिवेशन कुर्नुपर्नेभएको छ भने कि त एक चौथाई प्रदेश सांसदहरुको लिखित हस्ताक्षरसहित विशेष अधिवेशनको आह्वान गर्नुपर्ने भएको छ ।
प्रतिक्रिया