काठमाडौं । शनिबार दिउँसो देशका धेरैजसो स्थानहरुमा आंशिकदेखि सामान्य बदली रहने जल तथा मौसम पूर्वानुमान महाशाखाले जनाएको छ ।
महाशाखाका अनुसार पहाडी भू-भागका केही स्थानहरुमा र तराईका थोरै स्थानहरुमा मेघगर्जन, चट्टयाङ्ग, हावाहुरी र असिना सहित क्षणिक वर्षाको सम्भावना समेत रहेको छ ।
यस्तै राति पनि पहाडी भू-भागका एक दुई स्थानमा मेघगर्जन र असिना सहित क्षणिक वर्षाको सम्भावना रहेको छ ।
महाशाखाले अहिले भने देशमा स्थानीय वायुको साथसाथै पश्चिमी वायुको पनि प्रभाव रहेको र सूदुर पश्चिम प्रदेश र प्रदेश १ मा सामान्य बदली तथा अन्य प्रदेशहरुको पहाडी भू-भागमा आंशिक बादली र बाँकी भू-भागमा मौसम सामान्यतया सफा रहेको जनाएको छ।
प्रतिक्रिया