पाल्पा । पाल्पा जिल्ला कारागारभित्र एक कैदीबन्दीले झुण्डिएर आत्महत्या गरेका छन ।
पाल्पा कारागार प्रशासनले दिएको जानकारी अनुसार कारागारको शौचालयमा झुण्डिएर कैदी किसान गुरुङले आत्महत्या गरेका हुन ।
भिरकोट नगरपालिका-७, स्याङ्जाका ३० वर्षीय गुरुङले शौचालयको भेन्टिलेटरमा झुण्डिएर आत्महत्या गरेको जिल्ला प्रहरी कार्यालय पाल्पाले जनाएको छ ।
गुरुङ चोरी मुद्दामा कारागारको सजाय भोग्दै आएका थिए । २०७६ साल जेठमा स्याङजा कारागारमा परेका गुरुङलाई २०७६ सालको माघमा पाल्पा कारागारमा ल्याईएको थियो ।
पाँच वर्षको लागि कारागारको सजाय काट्दै आएका गुरुङको शव पोष्ट मार्टम गरी परिवारलाई बुझाउने तयारीमा रहेको प्रहरीले जनाएको छ ।
प्रतिक्रिया