बुटवल । लुम्बिनी प्रदेशको राजनीतिमा तीन घण्टा नवित्दै उलटफेर भएको छ ।
मुख्यमन्त्री शंकर पोखरेल विरुद्ध अविश्वासको प्रस्तावमा सही गरेका जनता समाजवादी पार्टीका चार जना सांसदहरुलाई पोखरेलले मन्त्री पद उपहार दिएपछि प्रदेशको राजनीति तीन घण्टामै उलटफेर भएको हो ।
जसपाबाट अविश्वासको प्रस्तावमा हस्ताक्षर गरेका तीन जनासहित चारजनालाई मुख्यमन्त्री पोखरेलले मन्त्री बनाएर आफ्नो सरकार बचाउन सफल भएका छन् ।
अविश्वास प्रस्तावमा हस्ताक्षर गरेका जसपाका सांसदहरु विजय यादव सन्तोष पाण्डे र कल्पना पाण्डे र सुमन रायमाझी मन्त्री बनेका छन् ।
प्रदेश प्रमुको कार्यकक्षमा नयाँ मन्त्रीहरुको सपथ ग्रहण भएको छ । चारै जना मन्त्रीलाई प्रदेश प्रमुख धर्मनाथ साहले पद तथा गोपनीयताको सपथ खुवाएका छन् ।
सन्तोष पान्डे भौतिक योजना मन्त्री बनेका छन् भने कल्पना पाण्डेलाई सामाजिक विकास मन्त्रालयको जिम्मा पाएकी छिन् । यस्तै विजयी यादवले कृषिमन्त्री र सुमन शर्माले यादव भौतिक राज्यमन्त्री बनेकी छन् ।
माओवादी केन्द्रका दुई जना मन्त्रीले राजीनामा दिएपछि रिक्त रहेका आन्तरिक मामिला तथा कानुन मन्त्रालय र सामाजिक विकास मन्त्रालयसंगै अन्य दुई मन्त्रालयमा नयाँ मन्त्री नियुक्ति गरेका हुन् । सामाजिक विकास मन्त्रालय विभाजन गरेर दुई वटा बनाइएको छ ।
प्रतिक्रिया