काठमाडौं । नेकपा (माओवादी केन्द्र)को स्थायी समिति बैठक आज बस्दैछ । सोमबार बस्ने भनिएको बैठक अन्तिम समयमा आएर आज बस्नेगरी स्थगित भएको थियो ।
पार्टी केन्द्रीय कार्यालय पेरिसडाँडामा बस्ने बैठकमा समसायिक राजनीतिक घटनाक्रमका विषयमा छलफल हुनेछ ।
यस्तै बैठकमा सरकारले दलहरु र सभामुखसँग परामर्श नगरी हठात संसद अधिवेशन अन्त्य गरेपछिको अवस्थामा सरकार विरुद्ध कसरी प्रस्तुत हुने विषयमा छलफल गरी निस्कर्ष निकालिने एक नेताले बताए ।
माओवादी केन्द्रले केपी ओली सरकार विरुद्ध कांग्रेस र जसपासँग मिलेर अविश्वासको प्रस्ताव ल्याउन पहल गरिरहेको छ । तर, जसपाको एक पक्ष र कांग्रेसकै सभापति शेरबहादुर देउवासमेत अहिलेसम्म यसका लागि तयार बनिसकेका छैनन् ।
अविश्वासको प्रस्ताव ल्याउन अन्तिमसम्म प्रयत्न गर्ने सम्भव नभए सरकारलाई कानुनी रुपमा रहँदै आएको समर्थन फिर्ता लिने विषयलाई पनि माओवादीले टुंगो लगाउनेछ ।
प्रतिक्रिया