काठमाडौं । कम्युनिष्ट पार्टीको स्थापना दिवसको अवसर पारेर काठमाडौको धुम्बाराहीमा रहेको नेकपा एमालेको केन्द्रीय कार्यालय आजबाट थापाथलीमा सरेको छ । आजबाट एमाले मुख्यालयका सबै प्रशासनिक तथा सांगठानिक काम थापाथलीबाट हुने एमालेले जनाएको छ ।
औपचारिकरुपमा कार्यसंचालन आउनु अगाडि बिहीबार बिहान प्रधानमन्त्री तथा एमाले अध्यक्ष केपी शर्मा ओलीले कार्यालयको निरीक्षण गरेका थिए ।
चक्रपथ विस्तार हुने भएपछि धुम्बाराहीमा रहेको कार्यालयमा असहज हुने भन्दै केन्द्रीय कार्यालय थापाथलीमा सारिएको एमालेले जनाएको छ ।
थापाथली हाइटस्थित उमङ्ग मार्गमा १३ कोठे भवनमा एमालेले के कति भाडामा लिएको हो भन्ने सार्वजानिक गरिएको छैन । पार्टी कार्यालय सरको घर प्रधानमन्त्री ओलीका आर्थिक सल्लाहकार मोती दुगडका आफन्तको भएको बुझिएको छ ।
मुख्यालयबाटै बालिका खड्का पक्राउ :
कार्यालय सरैकै दिन पार्टी केन्द्रीय कार्यालयबाट एमालेकी युवा नेतृ बालिका खड्का पक्राउ परेकी छिन् । प्रधानमन्त्री केपी शर्मा ओली सहितका नेता पार्टी कार्यालय निरीक्षणमा गएको बेला पार्टी नेताहरुका विरुद्ध गालीगलौज गरेका कारण उनलाई नियन्त्रणमा लिईएको प्रहरीले बताएको छ । उनलाई महानगरीय प्रहरी वृत्त सिंहदरबारमा राखिएको छ ।
बालिका तिनै युवती हुन् जस्ले बिगत केहि वर्ष देखि आफुलाई प्रदेश १ का मुख्यमन्त्री शेरधन राईले बिचल्ली बनाएको आरोप लगाउँदै आएकी छिन् । खड्काले केही समय पहिले आफू प्रदेश(१ का मुख्यमन्त्री राईकी श्रीमती भएको दाबी गर्दै अंश मुद्दा दायर गरेर चर्चामा आएकी थिइन्।
तर, मुद्दा दर्ता गरेको केहि दिनमा नै खड्काले अरूको उक्साहटमा मुद्दा दायर गरेको भन्दै मुद्दा फिर्ता लिएकी थिइन्।
प्रतिक्रिया