बुटवल । आज पनि रुपन्देहीमा कोरोना संक्रमित थपिने क्रमले निरन्तरता पाएको छ । पछिल्लो २४ घण्टामा रुपन्देहीमा २०४ जनामा कोरोना संक्रमित थपिएका छन् । स्वास्थ्य कार्यालय रुपन्देहीले दिएको जानकारी अनुसार आज थपिएका संक्रमितहरुमा ८२ जना महिला र १२२ जना पुरुष रहेका छन्। आज पनि बुटवल उपमहानगरपालिकामा न्यि पालिका भन्दा बढी ९६ जना नयाँ संक्रमित थपिएका छन् ।
स्वास्थ्य कार्यालयका अनुसार आज तिलोत्तमा नगरपालिकामा ५०जना, सिद्धार्थनगर नगरपालिकामा ३० जना, सैनामैना नगरपालिकामा १० जना, ओमसतिया गाउँपालिकामा ५ जना, गैडहवा गाउँपालिकामा ४ जना, मायादेवी गाउँपालिका र सम्मरीमाई गाउँपालिकामा २/२ जना तथा सियारी गाउँपालिका, रोहिणी गाउँपालिका लुम्बिनी साँस्कृतिक नगरपालिका र देवदह नगरपालिकामा १/१ जनामा संक्रमण पुष्टि भएको छ ।
जिल्लामा हाल १ हजार २४६ जना संक्रिय संक्रमितहरु रहेका छन्। रुपन्देहीमा १७३ जनाको कोरोना संक्रमणबाट मृत्यु भईसकेको छ ।
प्रतिक्रिया