सुनसरीमा भोलीदेखी २४ सम्म निषेधाज्ञा जारी

खबर कुरा
१६ बैशाख २०७८, बिहीबार
                 

सुनसरी । कोरोना संक्रमण तीव्र गतिमा फैलन थालेसँगै सुनसरी जिल्ला प्रशासनले शुक्रबारदेखि लागु हुने गरी निषेधाज्ञा जारी गरेको छ ।

शुक्रबार मध्यरातिदेखि लागु भई वैशाख २४ गते रातिसम्मको लागि निषेधाज्ञा जारी गरिएको हो ।

जिल्ला प्रशासन कार्यालयका सूचना अधिकारी महेशकुमार पोखरेलका अनुसार बिहीबार बसेको बैठकले निषेधाज्ञा लगाउने निर्णय गरेको हो ।

निषेधाज्ञासम्बन्धी स्थानीय प्रशासनले गरेको व्यवस्थाबारे सूचना जारी गर्दै भिड हुने गतिविधि नगर्न, समूहमा भेला नहुन, अत्यावश्यक कामबाहेक घर बाहिर ननिस्कन, सैलुन, पार्टी प्यालेस, स्वीमिङ पुल, समूहमा खेलिने खेलकुद बन्द गर्ने लगायत निर्णय गरेको छ ।

यसमा तपाइको मत

Your email address will not be published. Required fields are marked *


*