काठमाडौं । कोरोना महामारीले उग्र रुपलिएको भारत सहित अमेरिका लगायत १० मुलुकको उडान रोक्न केन्द्रीय कोभिड १९ संकट ब्यवस्थापन समिति (सीसीसीएमसी)ले सरकारलाई सिफारिस गरेको छ । सीसीएमसीले कोरोना संक्रमणबाट अति प्रभावित १० मुलुकबाट नेपालसँग हुने सीधा अन्तर्राष्ट्रिय हवाई उडानमा रोक लगाउन मन्त्रिपरिषदमा सिफारिस गरेको हो ।
शुक्रबार बेलुका बसेको सीसीएमसीको बैठकले मुलुकभित्र कोरोनाको संक्रमण भयावहरुपमा फैलिएको निष्कर्ष निकाल्दै अन्तराष्ट्रिय उडान सहित आन्तरिक उडान समेत बन्द गर्न सिफारिस गरेको छ ।
त्यस्ता मुलुकहरुमा हुने सिधा उडान रोकेपनि ट्रान्जिट हुँदै आउने विमानलाई भने रोक नलगाउने सीसीएमसीको सिफारिसमा उल्लेख छ ।
सीसीएमसीले सिफारिस गरेपनि मन्त्रिपरिषद्को आगामी बैठकले पारित नगर्दा सम्म सिफारिस भने कार्यान्वयन हुने छैन । मन्त्रिपरिषदले यस सम्बन्धमा बिज्ञ समूहसंग परामर्श गरेर उपयुक्त निर्णय गर्ने एउच स्रोतले खबरकुरालाई जानकारी दियो ।
कोरोना संक्रमणबाट अति प्रभावित भारतबाट हुने उडानमा रोक लगाउनुपर्ने सुझाव विज्ञहरुमा यस अघि देखि नै दिँदै आएका थिए ।
प्रतिक्रिया