काठमाडौं । संघीय संसदका सांसदहरुको कोरोना परीक्षण सुरु भएको छ ।
नयाँ वानेश्वरस्थित संघीय संसद भवनको ल्होत्से हलमा आज र भोलि सांसदहरुको पीसीआर परीक्षण सुरु गरिएको हो । बिहान १० बजेदेखि साँझ ५ बजेसम्म स्वाव संकलन हुने संसद सचिवालयले जनाएको छ ।
संघीय संसदका दुवै सदनका सबै सांसदहरु, कर्मचारीहरु, स्वकीय सचिवालयका कर्मचारीहरु, मर्यादापालकहरु र संसदीय मामिलामा समाचार संकलन गर्ने पत्रकारहरुको स्वाव संकलन हुने सचिवालयले जनाएको थियो । यद्यपी राष्ट्रिय सभाका अध्यक्ष, सांसद, स्वकीय कर्मचारीहरुको स्वाव संकलनको काम अर्को सूचना नभएसम्म स्थगित भएको छ ।
प्रतिक्रिया