काठमाडौं । कोरोना भाइरसको संक्रमणबाट संसद सचिवालयमा कार्यरत एक कर्मचारीको मृत्यु भएको छ ।
संसद सचिवालयमा कार्यरत ५० वर्षीय उपसचिव कृष्णराज खनालको मृत्यु भएको हो । होम आइसोलेसनमा रहेका खनाललाई श्वास फेर्न अप्ठेरो भएपछि शुक्रबार बिहान कलंकीस्थित शहीद मेमोरियल अस्पतालमा लगिएको थियो । तर उनको उपचारकै क्रममा मृत्यु भएको परिवारले जनाएको छ ।
खनालको यही २२ गते मात्रै सांसदहरु र संसद सचिवालयका कर्मचारीसँगै स्वाव संकलन गरिएको थियो । परीक्षणका क्रममा चार जना सांसद र तीन जना कर्मचारीलाई कोरोना पुष्टि भएको थियो ।
प्रतिक्रिया