राष्ट्रियसभा उपनिर्वाचन : भिडन्त थापा र देवकोटाकै

मुख्यमन्त्री पौडेल बने थापाको प्रस्तावक, देवकोटाको प्रस्तावक शालिकराम जमरकट्टेल
खबर कुरा
२४ बैशाख २०७८, शुक्रबार
                 

काठमाडौं। राष्ट्रियसभामा बागमती प्रदेशबाट रिक्त अन्य समुहअन्तर्गतको एक पदमा नेकपा एमालेको तर्फबाट गृहमन्त्री रामबहादुर थापाले नै उम्मेदवारी दिएका छन् ।

हेलिकोप्टर चढेर निर्वाचन आयोगको कार्यालय हेटौंडा पुगेका गृहमन्त्री थापाले उम्मेदवारी दर्ता गराएका छन् । थापाको प्रस्तावकमा बागमती प्रदेशका मुख्यमन्त्री डोरमणि पौडेल रहेका छन् । यस्तै समर्थकमा सामाजिक प्रदेशका मुख्यमन्त्री डोरमणि पौडेल र समर्थकमा सामाजिक विकास मन्त्री सरस्वती बस्नेत रहेकी छिन् ।

एमालेको माधव पक्षले समर्थन नगर्ने भएपछि हच्किएका थापाले बुधबार स्थायी कमिटी बैठकमा आफु उम्मेदवार नबन्ने जनाएका थिए । तर लामो छलफलपछि थापाले नै उम्मेवदवारी दर्ता गराएका हुन् ।

थापासँग माओवादी कांग्रेस, जसपा र माधव नेपाल पक्षको समर्थनमा वाम बुद्धिजीवि डा. खिमलाल देवकोटाले उम्मेदवारी दिएका छन् । देवकोटाको प्रस्तावकमा माओवादी प्रदेश संसदीय दलका नेता शालिकराम जमरकट्टेल बसेका छन् भने समर्थकमा कांग्रेस सांसद राधा घले बसेकी छिन् ।

उपनिर्वाचन जेठ ६ गते बिहान ९ बजेदेखि दिउँसो ३ बजेसम्म हुनेछ ।

यसमा तपाइको मत

Your email address will not be published.


*