जाजरकोट । डोल्पाको स्वास्थ्य सेवा कार्यालयमा अक्सिजन प्लान्ट प्रयोगविना थन्किएको छ । आवश्यक जनशक्ति नहुँदा दुई हप्ता अघिदेखि अक्सिजन प्लान्ट थन्किएको हो ।
जिल्लामा कोरोनाका बिरामी आएर समस्या परे पनि प्लान्ट खरिद गरेर बन्द कोठामा थन्क्याउने काम भएको स्वास्थ्य सेवा कार्यालय डोल्पाका निमित्त प्रमुख अमरसिंह शाहीले जानकारी दिए । दुई हप्ताअघि नै डोल्पा पुगेको प्लान्ट जडान गर्ने बायोमेडिक इन्जिनीयर नहुँदा थन्किएको शाहीले बताए ।
ड्रागन मेडिटेक प्रालि सुर्खेतले २९ लाख रुपैयाँमा उक्त प्लान्ट खरिदको गरेको थियो । बायोमेडिक इन्जिनियर नभएको भन्दै उक्त प्लान्ट जोड्न प्रालिले ढिलासुस्ती गरिरहेको निमित्त स्वास्थ्य प्रमुख शाहीले बताए । शाहीका अनुसार बारम्बार ताकेता गर्दा पनि आफूहरुसँग बायोमेडिक इन्जिनियर अभाव रहेकाले जडान गर्न ढिला भएको कम्पनीले बताउँदै गरेको छ ।
हाल थन्किएर बएको प्लान्टबाट प्रतिघण्टा ४० लिटर अक्सिजन उत्पादन गर्ने र एकै पटकमा कम्तीमा पनि २५ देखि ३० शय्या पाइपमार्फत अक्सिजन दिन सकिने डा मेलिना हमालले जानकारी दिइन । रासस
प्रतिक्रिया