काठमाडौं । प्रधानमन्त्री केपी शर्मा ओलीले देशमा स्थिरता र स्थायित्व चाहेको हो भने आफुलाई विश्वासको मत दिनुपर्ने बताएका छन् ।
प्रतिनिधिसभामा विपक्षी दलका नेताहरुले उठाएका प्रश्नको जवाफ दिँदै प्रधानमन्त्री ओलीले स्थिरताका लागि आफुलाई विश्वासको मतमा मतदान गरी थप दुई वर्ष सम्म स्थिर सरकार राख्न आग्रह गरेका हुन् ।
ओलीले सदनलाई अघि बढाउने या नबढाउने भन्ने विषय सदनको हातमा रहेको भन्दै सहमति र सहकार्यका साथ देशलाई अघि बढाउन सबैभन्दा ठूलो पार्टीको हैसियतले आफैले हक राख्ने जिकिर गरे ।
ओलीले भने, ‘फेरि विघटनका लागि षड्यन्त्र पो गर्न लागेको हो भन्ने मान्नुहुन्छ भने सबै मिलेर मलाई भोट हाल्दिनुस न । ल त कस्ले गर्दौ रहेछ विघटन !’ प्रधानमन्त्री ओलीले संसदले विश्वासको मत नदिए आफूले नयाँ सरकार गठनका लागि मार्गप्रशस्त गर्ने पनि बताए ।
प्रधानमन्त्री ओलीले संवाद र सहमतिबाटै देश अघि बढ्नुपर्ने बताए ।
प्रतिक्रिया