काठमाडौं उपत्यकाका सबै अस्पतालमा कोरोना संक्रमणको उपचार हुने

खबर कुरा
२८ बैशाख २०७८, मंगलवार
                 

काठमाडौं । सरकारले काठमाडौं उपत्यकाका सरकारी स्वामित्वका सबै अस्पताललाई कोभिड अस्पताल बनाउने भएको छ । कोरोना संक्रमणको दर उच्च हुँदै गएपछि स्वास्थ्य तथा जनसंख्या मन्त्रालयले उपत्यकाका सबै सरकारी अस्पताललाई कोरोना अस्पताल बनाउने निर्णय गरेको हो ।

स्वास्थ्य तथा जनसंख्या मन्त्रालयले मंगलबार गरेको पत्रकार सम्मेलनमा मन्त्रालयका सचिव लक्ष्मण आर्यालले उपत्यकाका सबै सरकारी अस्पतालमा कोरोनाको उपचार हुने जानकारी दिए ।

महामारी उच्च गतिमा बढेकाले सरकारले पाटन, थापाथलीस्थित प्रसूति गृह, ट्रमा सेन्टर लगायतका सबै अस्पताललाई कोभिड अस्पताल बनाउने निर्णय गरेको उनले बताए ।

कोरोना संक्रमित बढ्दै जाँदा हाल संचालनमा रहेका अस्पतालहरुमा बेड अभाव भएपछि यस्तो निर्णय गरिएको मन्त्रालयको भनाइ छ ।

यसमा तपाइको मत

Your email address will not be published. Required fields are marked *


*