कोरोना महामारी : ८९६० नयाँ संक्रमित थपिए, २१४ जनाको मृत्यु

काठमाडौं । पछिल्लो २४ घण्टामा ८हजार ९६० जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयले बिहीबार साँझ अपडेट गरेको तथ्यांक अनुसार २० हजार २४५ जनामा परीक्षण गर्दा ८ हजार ९६० जनामा संक्रमण पुष्टि भएको हो ।

मन्त्रालयका अनुसार यसबीचमा ५ हजार ५५ जना संक्रमित निको भएका छन् ।

नेपाली सेनाले गरेको शव व्यवस्थापनका आधारमा २१४ जना संक्रमितको मृत्यु भएको पनि मन्त्रालयले जनाएको छ ।