काठमाडौं । नेकपा एमालेका वरिष्ठ नेता माधवकुमार नेपालले आफुहरुले दिने भनेको राजीनामा दुईचारदिनलाई टरेको बताएका छन् ।
अध्यक्ष एवं प्रधानमन्त्री केपी शर्मा ओलीसँग वार्ता गरेपछि नेता नेपालले राजीनामा दुईचारदिनलाई टरेको बताएका हुन् ।
झण्डै चार घण्टा वार्तामा बसेका अध्यक्ष ओली र नेता नेपालबीच २०७५ जेठ २ अघिको एमालेमा फर्किने विषयमा लगातार छलफल गर्ने सहमति भएको छ ।
नेपालले मिल्ने दिशामै अगाडि बढ्ने कुरा भएको बताए । उनले भने ‘फागुन २८ को निर्णय फिर्ता गर्ने २०७५ जेठ २ मा फर्कने प्रकियाका बारेमा निरन्तर छलफल गर्ने सकारात्मक सोचेर कुराकानीलाई जारी राख्ने । र, मिल्ने दिशामा अगाडि बढ्ने कुरा भयो ।’
प्रतिक्रिया