काठमाडौं । नेकपा एमालेका अध्यक्ष एवं प्रधानमन्त्री केपी शर्मा ओलीले पार्टीको स्थायी कमिटीको आकस्मिक बैठक बोलाएका छन् ।
अध्यक्ष ओलीले दिउँसो २ बजे बालुवाटारमा बैठक बोलाएका छन् ।
आजै भैरहेको राष्ट्रियसभाको उपनिर्वाचनमा पार्टीका उम्मेदवार रामबहादुर थापालाई माधवकुमार नेपाल पक्षले मतदान नगरेको स्पष्ट भएपछि ओलीले आकस्मिक रुपमा बोलाएको बैठकलाई अर्थपूर्ण रुपमा हेरिएको छ । यस विषयमा बैठकमा छलफल हुने बताइएको छ ।
नेपाल पक्षले भोट नदिने थाहा पाएका ओलीले निर्वाचन आचारसंहिता उल्लंघन गर्दै हिजो पार्टीका उम्मेदवारलाई मतदान गर्न आग्रह गर्दै मतदान नगर्नेलाई कारवाहीको चेतावनी दिएका थिए ।
बैठकमा नेपाल पक्षसँग सहमति खोज्नका लागि बनेको कार्यदलको प्रगतिबारे पनि छलफल हुने बुझिएको छ ।
प्रतिक्रिया