काठमाडौं । राष्ट्रियसभा उपचुनावको मतगणना जारी छ ।
अपरान्ह ४ बजेबाट सुरु भएको मतगणनामा स्थानीय तहअन्तर्गत स्वतन्त्र उम्मेदवार डा. खिमलाल देवकोटा अग्रस्थानमा रहेका छन् ।
स्थानीय तहमा भएको कुल २३३ जनाको मतदानमध्ये डा. देवकोटाले १२८ मत पाएका छन् । नेकपा एमालेका उम्मेदवार रामबहादुर थापाले भने १०३ मत मात्र पाएका छन् । २ मत नेमकिपाका कृष्णबहादुर तामाङले प्राप्त गरेका छन् ।
अब प्रदेशसभाका मत गन्न सुरु भएको छ । कांग्रेस माओवादी केन्द्र, जसपा र एमालेको माधवकुमार नेपाल पक्षले देवकोटाको पक्षमा मतदान गरेका छन् ।
प्रदेशसभामा पनि नेपालपक्षसहित विपक्षी गठबन्धन बढी भएका कारण देवाकोटा नै अघि आउने अनुमान गरिएको छ ।
प्रतिक्रिया