आजको मौसम : १, २ बागमती र सुदूरपश्चिम प्रदेशमा भारी वर्षाको सम्भावना

खबर कुरा
७ जेष्ठ २०७८, शुक्रबार
                 

काठमाडौं । नेपालको मौसमी प्रणालीमा हाल पश्चिमी न्यून चापीय प्रणालीको प्रभाव रहेको छ । भारतको उत्तरप्रदेश आसपासमा रहेको चक्रवात ‘ताउ-ते’ थप कमजोर भई न्युनचापीय क्षेत्रका रुपमा रहेको छ ।

आज दिउँसो देशभर आंशिकदेखि सामान्य बदली रहनेछ । सुदूरपश्चिम प्रदेश, कर्णाली प्रदेश, वाग्मती प्रदेश र प्रदेश १ का केही स्थान र लुम्बिनी प्रदेश, गण्डकी प्रदेश र प्रदेश २ का थोरै स्थानमा मेघगर्जन र चट्याङ्गसहित हल्कादेखि मध्यम वर्षाको सम्भावना रहेको जल तथा मौसम विज्ञान विभागले जनाएको छ ।

सुदूरपश्चिम प्रदेश, वाग्मती प्रदेश, प्रदेश २ र प्रदेश १ का केही स्थानमा भारी वर्षाको सम्भावना रहेको छ । विभागका अनुसार आज राति प्रदेश १ र प्रदेश २ लगायत देशका बाँकी पहाडी भू-भागमा आंशिकदेखी सामान्य बदली र अन्य भू-भागमा सामान्यतः सफा रहनेछ ।

प्रदेश १ र प्रदेश २ लगायत वाग्मती र गण्डकी प्रदेशका पहाडी भूभागका थोरै स्थानमा तथा कर्णाली प्रदेशका एक/दुई स्थानमा मेघगर्जन र चट्याङ्गसहित हल्का वर्षाको सम्भावना रहेको छ ।

आजसम्म ताउ-तेको प्रभावले वर्षाको सम्भावना रहे पनि भोलिबाट क्रमशः मौसम खुल्दै जाने मौसमविद् सजिना शाक्यले जानकारी दिइन् ।

यसमा तपाइको मत

Your email address will not be published. Required fields are marked *


*