काठमाडौं । जल तथा मौसम विज्ञान विभागको मौसम पूर्वानुमान महाशाखाका अनुसार अहिले प्रदेश १ र प्रदेश २ का साथै देशका पहाडी भू-भागमा आंशिकदेखि सामान्य बदली रहेको छ ।
दिउँसो पहाडी भू-भागमा आंशिकदेखि सामान्य बदली रहने तथा तराईका केही भू-भागमा आंशिक बदली रहने महाशाखाको भनाइ छ ।
प्रदेश १ का पहाडी भू-भागका केही स्थान र बाँकी प्रदेशका पहाडी भू-भागका एक दुई स्थानमा मेघगर्जन, चट्याङसहित हल्का वर्षाको सम्भावना रहेको समेत महाशाखाले बताएको छ ।
आजराती देशका केही स्थानमा सामान्य बदली रहने छ । प्रदेश १, बागमती प्रदेश र गण्डकी प्रदेशका पहाडी भू-भागका एक दुई स्थानमा मेघगर्जन, चट्याङसहित हल्का वर्षाको सम्भावना रहेको छ ।
अहिले देशमा पश्चिमी न्यून चापीय प्रणालीको आंशिक प्रभाव रहेकाले अपराह्नतिर वर्षाको सम्भावना देखिएको महाशाखाले जनाएको छ ।
प्रतिक्रिया