बर्दियामा हात्तीको आक्रमणबाट एकको मृत्यु एक घाईते

यज्ञप्रसाद सापकोटा
११ जेष्ठ २०७८, मंगलवार
                 

बर्दिया । बर्दियाको गेरुवा गाउँपालिकामा हात्तीको आक्रमणबाट एक महिलाको मृत्यु भएको छ भने एक बालिका घाईते भएकी छन् । बर्दिया राष्ट्रिय निकुञ्जबाट निस्केको जंगली हात्तीको आक्रमणमा सोमबार बेलुकी गेरुवा गाउँपालिका – १ सरखोलकी ३७ बर्षिया चन्द्रा विकको घटनास्थल मै मृत्यु भएको प्रहरीले जनाएको छ । उनकी तिन बर्षिया छोरी दिपिका वि.क. घाईते भएकी छन् । गर्र्मीका कारण घर बाहिर आँगनमा बसिरहेका उनीहरुलाई सोमबार बेलुकी ९ बजे तिर हात्तीले आक्रमण गरेको हो । गम्भीर घाइते दीपिकालाई उपचारकालागि शिक्षण अस्पताल कोहलपुर लगिएको इलाका प्रहरी कार्यालय पाताभारका प्रहरी निरिक्षक सुरेश सुवेदीले बताएका छन् ।

बर्दिया राष्ट्रिय निकुञ्जका प्रमुख विष्णु श्रेष्ठ सहितको टोली मंगलबार विहान घटनास्थलमा पुगेको छ । बर्दिया राष्ट्रिय निकुञ्जले घटनाको अध्ययन गर्दै मृतकको परिवारलाई राहतको प्रक्रिया अगाडी बढाउने बर्दिया राष्ट्रिय निकुञ्जका सहायक संरक्षण अधिकृत अशिम थापाले जानकारी गराए । घटनाको विषयलाई लिएर गेरुवा गाउँपालिकाबासी आक्रोशित भएका छन् ।

यसमा तपाइको मत

Your email address will not be published. Required fields are marked *


*