सुदुरपश्चिम सरकार नछोड्ने तीन मन्त्रीलाई एमालेले सोध्यो स्पष्टीकरण

खबर कुरा
१३ जेष्ठ २०७८, बिहीबार
                 

धनगढी । सुदरपश्चिम प्रदेश सरकारबाट बाहिरिन दिएको स्थायी कमिटीको निर्णय उल्लंघन भएपछि एमालेले तीनजना मन्त्रीलाई स्पष्टीकरण सोधेको छ ।

एमालेको सुदूरपश्चिम प्रदेश कमिटीले प्रदेश सरकारबाट फिर्ता नहुने निर्णय गर्ने ३ मन्त्रीलाई स्पष्टीकरण सोधेको हो। हिजो बसेको संसदीय दलको बैठकले तत्काल सरकारबाट फिर्ता नहुने निर्णय गरेको थियो ।

एमालेको ओली पक्षका प्रदेश कमिटी अध्यक्ष कर्णबहादुर थापा र सचिव राजेन्द्र सिंह रावलले आज संसदीय दलका प्रमुख एवं मन्त्री प्रकाशबहादुर शाहसहित अन्य मन्त्रीलाई स्पष्टीकरण सोधेका हुन् । सरकारबाट फिर्ता हुने पार्टी निर्देशन अवज्ञा गरेको भन्दै २४ घण्टाभित्र जवाफ दिन निर्देशन दिएका छन् ।

स्पष्टीकरण सोधिएकाहरूमा मन्त्रीहरूमा प्रकाशबहादुर शाह, कृष्णराज सुवेदी र माया भट्ट रहेका छन् ।

यसमा तपाइको मत

Your email address will not be published. Required fields are marked *


*