जेष्ठ नागरिकले अब मासिक ४ हजार भत्ता पाउने

काठमाडौं । अल्पमतको मनमोहन सरकारले २०५१ सालमा १०० रुपैयाँबाट सुरु गरेको जेष्ठ नागरिक भत्ता अल्पमतको केपी ओली सरकारले ४ हजार पुर्याएको छ ।

आगामी चुनाव लक्षित गर्दै सरकारले जेष्ठ नागरिकको भत्ता बढाएको हो । आर्थिक वर्ष २०७८/७९को बजेट सार्वजनिक गर्दै अर्थमन्त्री विष्णु पौडेलले ज्येष्ठ नागरिक भत्ता ४ हजार पुर्‍याएको जनाएका छन् ।

अहिले जेष्ठ नागरिक भक्ता ३ हजार रहेको छ । यस्तै अर्थमन्त्री पौडेलले जेष्ठ नागरिकका लागि निशुल्क उपचारको व्यवस्था मिलाउने बताएका छन् ।

पौडेलले सामाजिक सुरक्षा भत्ता ३३ प्रतिशतले वृद्धि गरिएको जनाएका छन् । ज्येष्ठ नागरिक, एकल महिला तथा अपांगहरुलाई दिइने मासिक भत्ताका लागि यो बजेट वृद्धि गरेर १ खर्ब छुट्याएको उनले जानकारी दिए ।