काठमाडौं । नेकपा एमालेले पार्टी एकता बचाउन अन्तिमसम्म लचक बन्ने निर्णय गरेको छ ।
एमाले स्थायी कमिटीको आज बसेको बैठकले पार्टी एकता बचाउनका लागि अन्तिमसम्म प्रयास जारी राख्ने निर्णय गरेको हो ।
स्थायी कमिटी बैठकपछि संचारकर्मीहरुसँग कुरा गर्दै प्रवक्ता प्रदीप ज्ञवालीले पार्टी एकता वचाउने विषयमा भैरहेका प्रयासबारे छलफल भएको बताए । ज्ञवालीले भने, ‘पार्टीको आन्तरिक एकताका लागि भइरहेका छलफलबारे विवेचना भयो, एकता बचाउन नेतृत्व तहबाट अन्तिम समयसम्म पनि प्रयास जारी राख्ने बारेमा छलफल भएको छ’,
बैठकमा १२ जना नेताहरुमाथि सोधिएको स्पष्टीकरणबारे कुनै छलफल नभएको उनले बताए । ज्ञवालीले बजेट र लुम्बिनी प्रदेशबाट रिक्त राष्ट्रियसभा उपनिर्वाचनबारे समीक्षा भएको पनि जानकारी दिए ।
प्रतिक्रिया