बुटवल । लुम्बिनी प्रदेशसभाको आठौं अधिवेशन आजबाट सुरु भएको छ । प्रदेशसभा भवन बुटवलमा दिनको १ बजेबाट सुरु भएको अधिवेशनको पहिलो बैठकको प्रारम्भमा सभामुखले प्रदेश प्रमुखबाट प्राप्त पत्र पढेर सुनाएका थिए भने उनले मन्त्रीपरिषद हेरफेर, दुई प्रदेश सदस्यले पदबाट दिएको राजिनामाका बारे सभालाई जानकारी गराएका थिए ।
बैठकमा शुभकामना दिन समय लिएर बोल्ने सांसदहरुले संघीय सरकारका प्रधानमन्त्री केपी ओली र मुख्यमन्त्री शंकर पोखरेलको चर्को विरोध गरेका थिए । उनीहरुले संविधानलाई ट्रयाक देखि बाहिर लगेर निरंकुशता लाड्न खोजिएको भन्दै सरकारको बिरोध जनाएका थिए ।
पहिलो बैठकमा बोल्दै नेपाली कांग्रेसका संसदीय दलको प्रमुख सचेतक फकरुद्धिन खानले मुख्यमन्त्री शंकर पोखरेल नेतृत्वको सरकार अबैधानिक रहेको बताए । उनले नयाँ सरकार गठनका लागि मुख्यमन्त्री पोेखरेलले अबिलम्ब राजीनामा दिएर मार्ग प्रशस्त गर्नुपर्ने बताउँदै मुख्यमन्त्री पोखरेलले अदार्श र नैतिकता देखाउन आवश्यक रहेको बताए ।
नेकपा माओवादी केन्द्रका नेता सुदर्शन बरालले संघीय सरकारका प्रधानमन्त्री केपी ओलीले राष्ट्रपति जस्तो गरिमामय सास्थालाई बालुवाटारको कारिन्दाकारुपमा परिचालन गरिएको आरोप लगाए । उनले प्रधानमन्त्रीले राष्ट्रपतिलाई आदेश दिएर कोरोना विरुद्धको खोप भिक्षा माग्न लगाएर संस्थाको अपमान र विश्व समुदायमा मुलुकको गरिमा घटाएको आरोप लगाए । कार्यकारी अधिकार भएको सरकार छाँयामा बसेर राष्ट्रपतिलाई कारिन्दा सरह बिभिन्न देशका प्रमुखहरुलाई फोन गर्न आदेश गरेको बरालले टिप्पणी गरे ।
जनता समाजवादी पार्टीका संसदीयदलका नेता सहजराम यादवले एमालेले सत्ता टिकाउनका लागि अन्य पार्टी फोड्दै हिँडेको आरोप लगाए । एमालेले सत्ताको दुरुपयोग गर्दै अर्को पार्टीको संसदीय दलको नेता परिवर्तन गरेको बताउंदै एमादलेको कार्यालयमा बसेर अर्को पार्टीको संसदीयदलको नेता परिवर्तनको अधिकार नभएको बताए ।
बैठकमा सदस्यहरु विरबहादुर राना, तारा जिसी, शंकर गिरी, इन्द्रजित थारुले बोल्दै सरकारको आलोचना गरेका थिए ।
प्रतिक्रिया