काठमाडौं । नेकपा एमालेको स्थायी कमिटी बैठक अनिश्चितकालका लागि स्थगित भएको छ ।
एमाले कार्यालय सचिव शेरबहादुर तामाङले बैठक अर्को सूचना नभएसम्मका लागि स्थगित भएको जनाएका छन् । बैठक आज अपरान्ह ४ बजे बस्ने भनिएको थियो ।
अब पार्टीभित्र माधव नेपाल पक्षको गतिविधि हेरेपछि मात्रै अर्को बैठक बस्ने बताइएको छ । नेपाल पक्षका १२ जना नेताहरुलाई स्पष्टीकरण सोधेको स्थायी कमिटीले उनीहरुमाथि कारवाही गर्ने विषयमा छलफल गर्न बैठक बोलाएको थियो । तर, नेपाल पक्षका दोस्रो तहका नेताहरुसँग छलफल जारी भएका कारण अहिल्यै कुनै निस्कर्षमा पुग्न हतार हुने बुझाइ भएपछि बैठक स्थगित भएको छ ।
नेपाल पक्षको केन्द्रीय कमिटी बैठक बसिरहेको छ ।
प्रतिक्रिया