बुटवल । रुपन्देही प्रशासनले तेस्रो पटक जिल्लामा जारी निषेधाज्ञालाई जेठ ३१ गते सम्मकम लागि लम्ब्याएको छ । रुपन्देहीका प्रमुख जिल्ला अधिकारी आसमान तामाङले जारी गरेको निषेधाज्ञाको सुचनामा जिल्लामा कोरोना संक्रमणको दरमा कमि आए पनि जोखिम कायम रहेकाले निषेधाज्ञा जारी राख्नु परेको जनाईएको छ ।
यस अघि जिल्ला कोभिड व्यवस्थापन समितिको बैठकले जिल्लामा कोरोना संक्रमणको जोखिम कायम रहेको भन्दै निषेधाज्ञालाई जेठ ३१ गते सम्मका लागि थप गर्न सिफारिस गरेको थियो ।
थप गरिएको निषेधाज्ञा पहिलेको तुलनामा अझै सशक्त र कडा हुने प्रशासनले जनाएको छ । संक्रमण नियन्त्रण सम्बन्धी अध्यादेश जारी भईसकेकाले अव निषेधाज्ञा उल्लंघन गर्नेलाई अध्यदेश बमोजिम कारवाही हुने सुचनामा उल्लेख छ ।
थप गरिएको निषेधाज्ञामा खाद्यान्ह, तरकारी तथा फलफुल पसलहरु खोल्न पाईने सुचनमा उल्लेख छ । यस अघिको सुचनामा खाद्यान्ह, फलफुल र तरकारी पसल समेत बन्द गर्न भनिएको थियो ।
प्रतिक्रिया