बुटवल । लुम्बिनी प्रदेश सरकारको आगामी आर्थिक वर्ष २०७८र ७९ को नीति कार्यक्रम आज सार्वजानिक गर्ने भएको छ । दिउसो ४ बजे प्रदेश सभा बैठकमा प्रदेश प्रमुख धर्मनाथ यादवबाट आगामी आर्थिक वर्ष २०७८र ७९ को नीति कार्यक्रम सार्वजनिक हुने छ ।
सोमबार बसेको प्रदेश मन्त्रीपरिषदको बैठकले सरकारको नीति तथा कार्यक्रम प्रदेशसभामा प्रस्तुत गर्ने निर्णय गरेको थियो । आगामी वर्षको नीति तथा कार्यक्रममा कृषि र पर्यटन क्षेत्रलाई प्राथमिकतामा राखिएको प्रदेश सरकारका प्रवक्ता एवं आर्थिक मामिला मन्त्री बैजनाथ चौधरीले बताए । चौधरीका अनुसार कोरोना नियन्त्रण र त्यसबाट प्रभावित क्षेत्रलाई राहत दिने तथा तेस्रो लहरकारुमा आउन सक्ने कोरोना माहामारी विरुद्धको पूर्व तयारी सम्बन्धि कार्यक्रम पनि नीति तथा कार्यक्रममा समेटिएको छ ।
प्रतिक्रिया