नेपालगन्ज । पछिल्लो ३० घण्टामा कोरोना संक्रमणबाट मृत्यु हुनेको संख्या शुन्य रहेको छ । तुलनात्मकरुपमा शुक्रबार भन्दा शनिबार संक्रमितको संख्या सानो संख्यमा बढेपनि मृत्युको संख्या शुन्य कायम रहेको छ । पछिल्लो २४ घण्टामा बाँकेमा २५ जना नयाँ कोरोना संक्रमित थपिएका छन् । जिल्लाका ३ वटा प्रयोगशालामा १८७ नमुना परीक्षण गर्दा जिल्ला भित्रका २५ जना सहित ४५ जनामा संक्रमण पुष्टि भएको हो ।
सोही अवधिमा बाँकेमा जिल्ला बाहिरका २ जनाको उपचारका क्रममा मृत्यु भएको छ भने ३९ जना कोरोना मुक्त भएर डिस्चार्ज लिएका छन् । बाँकेमा आज सम्ममा जिल्ला भित्रका ३०६ जना र जिल्ला बाहिरका ३३३ जना संक्रमितको उपचारका क्रममा मृत्यु भएको छ । जिल्लामा २४३ सक्रिय संक्रमित रहेका छन् भने जिल्ला बाहिरका ८४ जना सक्रिय संक्रमितको बाँकेमा उपचार भईरहेको छ ।
बाँकेका बिभिन्न अस्पताल र आइशोलेसन केन्द्रहरुमा ५७ जना सिकिस्त, ४६ जना मध्यम र ९ जनाको भेन्टिलेटरमा उपचार भईरहेको छ ।
प्रतिक्रिया