रुपन्देहीमा ५८ संक्रमित थपिँदा ६८ डिस्चार्ज, ३ जनाको मृत्यु

बुटवल ।शुक्रबार शुन्यमा झरेको रुपन्देहीको मृत्युदरमा शनिबार भने जिल्लामा ३ जनाको मृत्यु भएको छ । पछिल्लो २४ घण्टामा जिल्लामा ३ जना कोरोना संक्रमतिको मृत्यु भएको हो । सोही अवधिमा जिल्लाका प्रयोगशालाहरुमा ३१९ नमुनाको पीसीआर परीक्षण गर्दा ५८ जनामा संक्रमण पुष्टि भएको छ । आज रुपन्देहीमा ६८ जना निको भएका छन् ।

स्वास्थ्य कार्यालय रुपन्देहीका अनुसार आज सबै भन्दा धेरै बुटवल उपमहानगरपालिकामा २४ जनामा संक्रमण पुष्टि भएको छ । यस्तै तिलोत्तमा नगरपालिकामा १५ जना, सिद्धार्थनगर नगरपालिका र सैनामैना नगरपालिकामा ४। ४ जना, देवदह नगरपालिका र सियारी गाउँपालिकामा ३।३ जना, ओमसतिया गाउँपालिका, लुम्बिनी सांस्कृतिक नगरपालिका र शुद्धोधन गाउँपालिकामा २।२ जना संक्रमित थपिएका छन् ।

हाल जिल्लामा ९७९ जना संक्रिय संक्रमितहरु रहेका छन् । आज सम्ममा रुपन्देहीमा मृत्यु हुनेको संख्या ४६५ पुगेको छ ।