काठमाडौं । काठमाडौं उपत्यकामा एक साता निषेधाज्ञा थप हुने भएको छ । काठमाडौं उपत्यकाका ३ प्रमुख जिल्ला अधिकारीहरुको बैठकले निषेधाज्ञा थप गर्ने निर्णय गरेको हो ।
काठमाडौं उपत्यकाका ३ जिल्लाका प्रमुख जिल्ला अधिकारीहरुको बैठक आइतबार बसेको थियो । वैशाख १६ बाट जारी निषेधाज्ञा पछिल्लो पटक जेठ ३१ सम्म लम्ब्याउने निर्णय गरिएको थियो ।
काठमाडौं उपत्यकाका प्रमुख जिल्ला अधिकारीहरुले निषेधाज्ञा थप गर्ने निर्णय गरेपनि अवको निषेधाज्ञाको मोडालिटी भने परिवर्तन गर्ने भएका छन् । आइतबारको निर्णय अनुसार होटल रेष्टुरेन्टले अब ‘टेक अवे’ सेवा शुरु गर्न पाउने भएका छन् भने खाद्यान्न र डिपार्टमेन्ट स्टोर ११ बजेसम्म खोल्न पाइने छ । पुस्तक पसल, हार्डवेयर पसल संचालन गर्न पाईने व्यवस्था गरिएको छ । खाद्यान्ह, डिपार्टमेण्ट स्टाेर, पुस्तक पसल बिहान ११ बजे सम्म खाेल्न पाईने छ भने हार्डवेयर पसल साँझ ४ बजे पछि खाेल्न पाईने छ ।
निषेधाज्ञाबारे निर्णय गर्न आयोजित आजको बैठकमा काठमाडौंका प्रजिअ कालीप्रसाद पराजुली, भक्तपुरका प्रजिअ प्रेम प्रसाद भट्टराई र ललितपुरका प्रमुख जिल्ला अधिकारी ढुण्डीप्रसाद निरौला सहभागी थिए ।
प्रतिक्रिया