कोरोनाका २८२८ नयाँं संक्रमित थपिए, ३०८२ संक्रमणमुक्त, ५२ जनाको मृत्यु

काठमडौं । बुधबार फेरि कोरोना संक्रमितको संख्या केही बढेको छ । स्वास्थ्य मन्त्रालयले अपरान्ह अपडेट गरेको पछिल्लो तथ्यांकअनुसार बुधबार २हजार ८२८ जना संक्रमित थपिएका छन् ।

पीसीआर र एन्टिजेन गरी १३ हजार २२ जनाको नमुना परीक्षण गर्दा यतिको संख्यामा संक्रमित थपिएका हुन् ।

पछिल्लो २४ घण्टामा संक्रमणमुक्त हुनेको संख्या अघिल्लो दिनको भन्दा केही घटेको छ । बुधबार ३ हजार ८२ जना संक्रमणमुक्त भएका छन् ।
यस्तै यही अवधीमा मृत्यु हुनेको संख्या पनि ११ ले बढेर ५२ पुगेको छ । मंगलबार मृत्यु हुनेको संख्या ४१ थियो ।