नेपालगन्ज । बाँकेमा पछिल्लो २४ घण्टामा ७ जना कोरोना संक्रमित थपिएका छन् । बाँकेका ३ वटा प्रयोगशालामा भएको १६८ नमुनाको पीसीआर परीक्षणबाट बाँकेका ७ जना सहित ४० जनामा कोरोना संक्रमण पुष्टि भएको छ ।
डीसीएमसी बाँकेका अनुसार बाँकेमा आज जिल्ला भित्रको मृत्यु दर शुन्य रहेको छ भने जिल्ला बाहिरका १ जना कोरोना संक्रमितको मृत्यु भएको छ । २४ घण्टाकाबीचमा बाँकेमा उपचाररत ४२ जना कोरोना मुक्त भएका छन् ।
जिल्लामा अव जिल्ला भित्रका १३३ जना र जिल्ला बाहिरका ८५ जनामात्र सक्रिय संक्रमितहरुले बाँकेमा उपचार गरिरहेकाछन् । बाँकेमा १३३ जनानै होम आइशोलेसनमा रहेको बाँकेका कोरोना फोकलपर्शन तेज ओलीले बताए । जिल्लाका बिभिन्न अस्पतालहरुमा ६ जना भेन्टिलेटरमा उपचार भईरहेको छ भने ३५ जना सिकिस्त र ४७ जना मध्यम खालका संक्रमितहरुको उपचार चलिरहेको छ ।
बाँकेका अस्पतालहरुमा कोरोना उपचारकालागि छुट््याईएको ३६१ बेड मध्य २६४ बेड खाली भएको स्वास्थ्य कार्यालय बाँकेका अधिकृत नरेश श्रेष्ठले जानकारी दिए ।
प्रतिक्रिया