बाँकेमा थपिए ११ जना नयाँ कोरोना संक्रमित, १ जनाको मृत्यु, ७९ प्रतिशत बेड खाली

नेपालगन्ज । बाँकेमा पछिल्लो २४ घण्टामा ११ जना नयाँ कोरोना संक्रमित थपिएका छन् । जिल्लाका ३ वटा प्रयोगशालाहरुमा भएको १४१ नमुनाको पीसीआर परीक्षण गर्दा बाँकेका ११ जना सहित ३२ जनामा संक्रमण पुष्टि भएको छ ।

जिल्लामा सोही अवधिमा १ जनाको मृत्यु भएको छ भने २४ जना डिस्चार्ज भएका छन् । बाँकेका कोरोना उपचारका लागि छुट्याईएका बेडहरु मध्य ७९ प्रतिशत खालि भईसकेका छने भने अव जिल्लामा निको हुन बाँकी संक्रमितको संख्या १६१ जना मात्र रहेको छ ।

जिल्लामा अव ११९ जना जिल्ला भिबका र ८७ जना जिल्ला बाहिरका सक्रिय संक्रमितले बाँकेमा उपचार गराई रहेका छन् । जसमध्य ७ जना भेन्टिलेटरमा छन् भने २७ जनाको अवस्था सिकिस्त रहेको र ४८ जनाको अवस्था मध्यम खालको रहेको बाँकेका कोरोना फोकल पर्शन तेज वलीले जानकारी दिएका छन् ।