नेपालगन्ज । बाँकेमा पछिल्लो २४ घण्टामा एक जनामात्र कोरोना संक्रमित थपिएका छन् । जिल्लाका ३ वटा प्रयोगशालामा गरिएको १२५ नमुना परीक्षणमा बाँकेका एक जना सहित ३६ जनामा कोरोना संक्रमण पुष्टि भएको छ ।
सोही अवधिमा बाँकेमा जिल्ला भित्रका मृत्यु हुनेको संख्या पनि शुन्य रहेको छ । जिल्लामा उपचाररत बाँके बाहिरका भने आज २ जनाको उपचारका क्रममा मृत्यु भएको छ । जिल्लाका बिभिन्न उपचार केन्द्रहरुमा उपचार गराईरहेका २७ जनाको आज डिस्चार्ज भएको छ ।
बाँकेका अस्पतालहरुमा कोरोना संक्रमितको उपचारका लागि भन्दै छुट्याईएको ३६१ बेड मध्य अव ७४ जनको मात्र उपचार चलिरहेको छ बाँकी सबै बेड खाली भएका छन् ।
बाँके जिल्लामा अव सक्रिय संक्रमितको संख्या ९३ मा झरेको छ भने जिल्ला बाहिरका १०३ जनाको बाँकेमा उपचार भईरहेको छ । अस्पतालहरुमा ६ जना भेन्टिलेटरमा २९ जना सिकिस्त अवस्थाका र ४५ जना मध्यम अवस्थाका संक्रमितको उपचार भईरहेको छ ।
प्रतिक्रिया