महेन्द्रनगर । कञ्चनपुर प्रहरीले जिल्लाको कृष्णपुर नगरपालिका ४ मौवाफाँटबाट एकजना जुवा अड्डा संचालक सहित ६ जना जुवाडेलाई नियन्त्रणमा लिएको छ ।
आज साँझ ५ बजे प्रहरीले मौवाफाँट स्थित स्थानिय तेजबहादुर साउदको खुद्रा पसलमा छापा मार्दा जुवा खेलिरहेका ६ नाम सहित ३ गड्डी तास र ६५ हजार ५ सय नगद बरामद भएको कञ्चनपुर प्रहरीले जनाएको छ । पक्राउ पर्नेहरुमा जुवा खेलाउने साउद सहित कृष्णपुर ४ मौवाफाटका कमलेश कार्की, गगन कार्की, प्रकाश ऐर, बिष्णु भट्ट र खगेन्द्र बोहरा रहेका छन् ।
गोप्य सुचनाको आधारमा सुदुरपश्चिम प्रदेश प्रहरी तथा कञ्चनपुर प्रहरीको टोलीले जुवा अड्डामा छापामारेको कञ्चनपुर प्रहरी प्रवक्ता प्रहरी निरिक्षक लालबहादुर बमले बताए । प्रहरीका अनुसार पक्राउ परेकाहरुलाई मुलुकी अपराध संहिता २०७४ बमोजिम जुवा खेल्न वा सट्टाबाजी गर्न नहुने कसुर अन्तर्गत म्याद थप गरी अनुसन्धान भईरहेको छ ।
प्रतिक्रिया