बुटवल । रुपन्देहीमा दिनदिनै कोरोना संक्रमित बढ्ने क्रमले निरन्तरता पाएको छ । बिगत ४ दिन देखि शुरु भएको संक्रमित थपिने सृङ्खलाले आज पनि निरन्तरता पाएको छ । रुपन्देहीमा पछिल्लो २४ घण्टाकाबीच भएको १४९ स्वावको परीक्षण गर्दा ४२ जनामा कोरोना संक्रमण पुष्टि भएको छ ।
बिभिन्न मितिमा रुपन्देहीका अस्पताल तथा आइसोलेशनमा मृत्यु भएर तथ्याँकमा छुटेका १२ जना थप मृतकको संख्या थपिएको स्वास्थ्य कार्यालय रुपन्देहीले जनाएको छ । आज थपिएसँगै जिल्लामा मृत्यु हुनेको संख्या ५०२ पुगेको छ । आज रुपन्देहीमा ११९ जना काेराेना मुक्त भएकाे स्वास्थ्य कार्यालय रुपन्देहीले जनाएकाे छ ।
स्वास्थ्य कार्यालयका अनुसार २० गतेबाट बढ्न थालेको संक्रमित थपिने क्रमलाई निरन्तरता दिँदै २० गते १८ जना, २१ गते २८ जना, २२ गते ३३ जना र आज ४२ जना संक्रमित जिल्लामा थपिएका छन् । रुपन्देहीमा सक्रिय संक्रमितको संख्या पनि बढेर ३५६ पुगेको छ । जस मध्य २९१ होम आइसोशनमा र ६५ जनाको अस्पतालहरुमा उपचार जारी रहेको छ ।
प्रतिक्रिया