काठमाडौं । नेकपा एमालेको विवाद समाधानका लागि गठित कार्यदलको बैठक आज साढे २ बजेबाट शुरु हुँदै छ । निर्णायक र सहारात्मक निर्णय आउने दाबी गरिएको बैठक सिंहदरवार स्थित अर्थमन्त्रालयमा बस्ने तय भएको छ ।
सहमतिको नजिक पुगेको भनिएको शुक्रबारको बैठकको निष्कर्षलाई फाईनल ड्राफ्ट बनाउने भनिएपनि मुलभुत बिषयमा सहमति हुन बाँकी रहेको कार्यदल स्रोतले दाबी गरेको छ ।
माओवादी केन्द्रबाट आएका २३ जनाको व्यवस्थापन, ओली पक्षले धमाधम् एकल निर्णयमा गरेका निर्णयहरु, विपक्षीदललाई प्रधानमन्त्री बनाउन नेपाल पक्षले गरेको हस्ताक्षर लगायतका बिषयमा सहमति हुन बाँकी रहेको स्रोतको दाबी छ ।
कार्यदलका सदस्यहरुले सहमति नजिक पुगिएको बताएपनि नेपाल पक्षका नेताहरुले यथास्थितीमा एकता सम्भव नभएको बताउन थालेका छन् । नेपाल पक्षकी नेतृ रामकुमारी झाँक्रीले कार्यदलले आम कार्यकर्तालाई भ्रम छर्ने काम गरेको भन्दै कार्यदलका सदस्यहरुको आलोचना गरेकी छिन् ।
कार्यदलका सदस्यहरुले भने विवादमा विषयमा दुवै पक्ष सहमतिनजिक पुगेको बताएका छन् ।
प्रतिक्रिया