थप २३९८ जनालाई कोरोना संक्रमण, २०७८ संक्रमणमुक्त, १२ जनाको मृत्यु

काठमाडौं । पछिल्लो २४ घण्टामा देशभर थप २ हजार ३९८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ११ हजार १२ जनामा गरिएको परीक्षणमा २ हजार ३९८ जनामा संक्रमण पुष्टि भएको हो ।

७ हजार ५८ जनामा गरिएको पीसीआर परीक्षणमा १ हजार ६३९ जनामा संक्रमण पुष्टि भएको मन्त्रालयले जनाएको छ । यस्तै, ३ हजार ९५४ जनामा गरिएको एन्टिजेन परीक्षणमा ७५९ जनामा संक्रमण देखिएको छ ।

२४ घण्टामा २ हजार ७८ जना संक्रमणमुक्त भएको मन्त्रालयले जनाएको छ । यस्तै, यसै अवधिमा १२ जनाको मृत्यु भएको छ ।