बुटवल । गत असार २७ गते संक्रमणको दर घटेर ९ पुगेको रुपन्देहीमा पछिल्लो २ दिनमा फेरि संक्रमणको दर बढेको छ । पछिल्लो २४ घण्टामा रुपन्देहीमा २ सय २४ जनाको स्वाव परीक्षण गर्दा ३७ जना कोरोना संक्रमण पुष्टि भएको छ । २७ गते ९ जना २८ गते ३५ जना, २९ गते २४ जना र आज ३७ जना संक्रमित थपिएको हो ।
स्वास्थ्य कार्यालय रुपन्देहीका अनुसार रुपन्देहीमा सक्रिय संक्रमितको संख्या ३ सय ३१ पुगेको छ भने मृत्यु हुनेको संख्या ५०५ रहेको छ ।
आज थपिएका संक्रमित मध्ये सबैभन्दा धेरै बुटवलका रहेका छन् । बुटवलमा २५ जना संक्रमित थपिएका हुन् । त्यसबाहेक तिलोत्तमामा ८, देवदहमा एक र सैनामैनामा ४ जना नयाँ संक्रमित थपिएको स्वास्थ्य कार्यालयले जनाएको छ ।
प्रतिक्रिया