काठमाडौं । पछिल्लो २४ घण्टामा ३ हजार १०८ जना कोरोना संक्रमित थपिएका छन् ।
मंगलबार अपरान्ह स्वास्थ्य मन्त्रालयले सार्वजनिक गरेको पछिल्लो अपडेटअनुसार १३ हजार १३५ जनामा गरिएको परीक्षणमा सय कोरोना संक्रमित थपिएका हुन् । यीमध्ये पीसीआर विधिबाट गरिएको परीक्षणमा २ हजार २०२ र एन्टिजेन परीक्षणबाट ९०६ जनामा संक्रमण पुष्टि भएको छ ।
यसै अवधिमा १ हजार ५९५ जना संक्रमणमुक्त भएका छन् । हालसम्म नेपालमा कोरोना संक्रमणबाट मुक्त हुनेको संख्या ६ लाख ३४ हजार ९२७ पुगेको छ ।
पछिल्लो २४ घण्टामा कोरोना संक्रमणबाट २५ जनाको मृत्यु भएको मन्त्रालयले जनाएको छ । यससँगै हालसम्म ९ हजार ६०७ जनाको मृत्यु भएको छ ।
* यसअघिको समाचारमा फरक तथ्यांक परेको हुँदा सच्चाइएको छ -स.
प्रतिक्रिया