कोरोना संक्रमित फेरि बढे; ३४२१ जनामा संक्रमण पुष्टि, २५ को मृत्यु

काठमाडौं । पछिल्लो केही दिन यता कोरोना भाइरसका संक्रमितको संख्या बढ्दै गएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ४२१ जना नयाँ संक्रमित थपिएका छन् ।

१७ हजार २७२ जनामा गरिएको परीक्षणमा ३ हजार ४ सय बढीलाई संक्रमण देखिएको मन्त्रालयले जनाएको छ । जसमध्ये पीसीआर बिधिबाट गरिएको परीक्षणमा २ हजार ३९१ जना र एन्टिजेन विधिबाट परीक्षण गर्दा १ हजार ३० जनामा संक्रमण देखिएको छ ।

२४ घण्टामा १६८६ जना मात्र संक्रमणमुक्त भएका छन् । यस्तै यसैअवधिमा २५ जनाको मृत्यु भएको छ । हालसम्म ९ हजार ७३८ जनाको मृत्यु भैसकेको छ ।